«Чыныгы достук кыйынчылык учурда билинет»

Ит менен карышкыр бир күнү токойдо жолугуп калышат. Карышкыр аябай ооруп турган эле. Ал ушунчалык ооругандыктан үнү да чыкпай калган болчу. Ит ага аябай боору ооруп:

— Дос, сага эмне болду? Өнүн аябай жаман көрүнүп турат го?-деп сурайт. Карышкыр болсо:

— Ай сураба. Аябай жаман ооруп турам. Жашоом түгөнүп баратат окшойт. Канча күндөн бери эч нерсе жей албай жатам. Арыктап кеттим. Бир нерсе кармап жегенге да алым келбей калды, — деп жооп берет.

Анда ит ага көнүл айтып:

— Ай, андай дебечи. Мен кантип сага жардам бербей коёюн. Биз экөөбүз тууган эмеспизби. Бүгүн менин кожоюнумдун үйүнде той болот. Тойго келсен мен сага көп тамак берем,- дейт.

Ошентип кечинде карышкыр тойго келет. Ит карышкырдын курсагын аябай кампайтып тойгузат. Анан карышкыр итке ыраазычылыгын билдирип, үйүнө кайтат.

Карышкыр мына ушинтип тамак жеп бир аз өзүнө келет да, тез эле ден соолугу оңолуп, мурдакыдай болуп калат.

Арадан көп жыл өтөт. Бир куну карышкыр менен ит дагы жолугушуп калышат. Бул жолу ит аябай жаман абалда болчу. Карышкыр итке боору ооруп:

— Ит досум, сага эмне болду анчалык? — деп сурайт.

Арыктаган ит карышкырга:

— Ээ карышкыр досум! Менин жашоомдо эмнелер гана болгон жок. Мени кожоюнум кууп чыкты да, ордума жаш бир итти алып келди. Мен болсо аябай карып калыптырмын. Эми ушул жерде алым кетип жатып калдым, — дейт.

Карышкырдын итке чындап эле боору ооруйт да:

— Жан досум! Сен мурда мага жардам берип, жанымды куткарып калгансың. Сенин кожоюнундун кичинекей баласы бар ээ?.. Сен анын жаткан жерин көрсөтсөң, мен сага жардам берем, — дейт.

Ошентип экөө ээрчишип келет да, ит кожоюндун баласынын жаткан жерин көрсөтөт. Аны билип алган карышкыр кеч киргенде кичинекей баланы алат да, терезеден качып чыгып кетет.

Баласын бир заматта таппай калган үй-бүлө чан-тополонго тушуп жатып калышат. Баары баланы ар жак, бер жактан издей башташат. Анан айлалары кетип, токойду карай издеп жөнөшөт. Мына ушинтип алар баланы издеп баратышып, итти көрүшөт. Ит баланын кийиминен тиштеп алып көтөрүп келе жаткан болчу. Баланы издегендер көргөн көздөрүнө ишенишпей, тан калышат. Иттин кожоюну баласын алып, бооруна кучактап, итке ыраазычылык билдирип, башынан сылайт. Алар аябай кубангандыктан баланы куткарган итти ээрчитип келишет да, үйдүн ичине киргизип, жакшы карап багып калышкан экен.

Мындан кийин дагы ит менен карышкыр көп жылдар бою дос болушуптур.

Топ 10 популярдуу жомок

Ырдын атыLike саны
БУГУ ЭНЕ(«Ак кеме» повестинен үзүндү)81
Алия менен жылкы45
Карышкыр менен эчки44
Карышкыр жана жети улак38
Акылдуу балдар30
Акылдуу кыз жомок27
Кыска жана күлкүлүү жомоктор19
Акылдуу кыз17
Нооруз жөнүндө жомок17
Аяз ата14

Один комментарий к “Достук жана жардамдашуy — Карышкыр менен иттин достугу”

Сизге жактыбы? Комментарий жазыңыз

Сиздин email адрес жарыяланбайт. Обязательные поля помечены *