Бир күнү түлкү кыштакка келип, толтура каз багылып жаткан короого түштү. Кароолчулар менен иттер уктап жаткандыктан “өз убагында келген экенмин”,- деп түлкү каздардын чак-челекейин чыгарып кубалады.

Жаны чыкчудай каркылдаган каздар ушундай бир жан соога сурашты дейсиң, эгер түлкү казча түшүнгөнүндө  түлкү башы менен аларды аяп, куру кол кайтканына кайыл боло короодон чыгып кетмек.

Ошентип жаалданган түлкү калтыраган каздарды бир катарга тизип, бир четинен алкымдарын кыя чайнап, айоосуз кыра баштаганы калганында, бул каркылдаган канаттуулардын арасында түлкүчө билген бир картаң каз бар экен, ошонусу түлкү менен сүйлөшүү жүргүзө баштады.

— Түкө,- деди ал.-  Бир салтыбыз бар эле, өлөр алдыбызда каркылдап ыр ырдап, кошок кошкон. Ошону жасап алалы, уруксат бер.

— Болуптур,- деди ак көңүлү кармаган түлкү.- Ырдасаңар ырдап, ыйласаңар ыйлап алгыла. Бирок тезирек, болбосо курсагым курулдап ачкамын.

Ошентип каздар өңгөчтөрү үзүлгүчө каркылдашканда, жакын жерде жайгашкан кароолканадагы адамдар менен итканадагы иттер каздардын үнүн угуп жетип келишти да, казканага түшкөн түлкүнү кармап, терисин тетири сыйрышты.

Топ 10 популярдуу жомок

Ырдын атыLike саны
БУГУ ЭНЕ(«Ак кеме» повестинен үзүндү)81
Карышкыр менен эчки44
Алия менен жылкы43
Карышкыр жана жети улак37
Акылдуу балдар30
Акылдуу кыз жомок27
Кыска жана күлкүлүү жомоктор19
Акылдуу кыз17
Нооруз жөнүндө жомок17
Аяз ата14

Сизге жактыбы? Комментарий жазыңыз

Сиздин email адрес жарыяланбайт. Обязательные поля помечены *