Бир поп кол алдындагы кызматчысы кайыр садаганын акчасынан уурдап жүргөнүн билип калып суракка ала баштайт.

— Ыйык идишке эмне үчүн кол салып, күнөөгө батып жүрөсүң, көр пенде?

Поп чокунуу залынын аркы башында турган, андыктан аралык алыс болчу. Кыйын абалга кабылганын билген кызматчы укпамыш болуп арамзаланат:

— Ыя, эмне дейсиз? Бул жерден угулбай жатат.

— Кулагыңа кебез тыгып алдың беле, көр пенде! Эмне үчүн ыйык идишке кол саласың?

— Ыя, эмне дейсиз? Угулбай атат!

— Сеники жакшы эле угулуп атпайбы! Эмне арамзааланасың?

— Ыя?

Жини келген поп кызматчынын жанына жетип барып демитет:

— Эй укпамыш болуп, эмне арамзааланасың дейм!

— Чын эле уккан жокмун. Бул жерден угулбайт окшойт. Ишенбесеңиз сиздин ордуңузга барып кыйкырып көрөйүн, баары бир укпайсыз.

— Угам эле, барып кыйкырмактан акырын шыбырасаң да угам,- дейт поп.

— Укпайсыз, — деп ишенимдүү айткан кызматчы поптун ордуна барып сүйлөйт: — Эй көр пендем, биздин Сатурниндин аялына эмне үчүн барып жүрөсүң?

— Чын эле бул жерден эч нерсе угулбайт экен, — деп муну укканда чочуп кеткен поп кызматчынын оозун басканы жүгүргөн экен.

Топ 10 популярдуу жомок

Ырдын атыLike саны
БУГУ ЭНЕ(«Ак кеме» повестинен үзүндү)81
Алия менен жылкы44
Карышкыр менен эчки44
Карышкыр жана жети улак37
Акылдуу балдар31
Акылдуу кыз жомок27
Кыска жана күлкүлүү жомоктор24
Акылдуу кыз17
Нооруз жөнүндө жомок16
Аяз ата14

Сизге жактыбы? Комментарий жазыңыз

Сиздин email адрес жарыяланбайт. Обязательные поля помечены *