Көрүшкөнчө көздөрүңдөн чагылган,
Нурларынан курган кайран көпүрөм.
Бекемине күмөн санап жаңылгам,
Өтүмү жок болгонума өкүнөм.
Кимге айтып күйүтүмдү,
Кимге барып өтүнөм?
Кимге барып күйүтүмдү,
Кимге айтып күнү-түнү,
Кимге барып өтүнөм?
Таңшыгыча табышмактуу таң сыры,
Тандап кеттиң таңы салкын өлкөнү.
Табалабайм кайрылганда айт чынын,
Артык бекен башка жердин көркөмү?
Арбалсаң да бир келерсиң,
Ала-Тоону көргөнү.
Сагынганда бир келерсиң,
Саргайганда бир келерсиң.
Ала-Тоону көргөнү.
Кала берем мекенимде сени эстеп,
Жүрсө экен деп алыс жерде аман-соо.
Өтүнөрүм көкүрөгүм элестеп,
Көргөн сайын жалын бүрккөн жанар тоо.
Жалын бүрккөн үшкүрүгүм,
Жаңырыгы жарар зоо.
Жалын бүрккөн үшкүрүгүм,
Жалын бүрккөн үшкүрүгүм,
Жаңырыгы жарар зоо.
Сагынганда бир келерсиң,
Саргайганда бир келерсиң.
Ала-Тоону көргөнү.
Мирбек Атабеков — Таң сыры тексти
Датасы: 29.10.2020 Көрүүлөр: 34569
Эң жакшы! Мыкты деңгээлге жазылган ыр жана Сиздердин кызматыңыздар дагы; СУППЕР!!! АЗАМАТСЫҢАР!!! МЕНИН КЫРГЫЗЫМ!)
Абдан сонун ыр экен мага жакты
Это легендарная кыргызская песня, которая известна и любима во все тюркских странах, регионах,у всех тюркоязычных народов, начиная с Крыма и до просторов Якутии. Ай, кыргыздар, азаматсындар, туыскандар!