«Туура бассан жолунда, жакшылык конот башына»

Бир отунчу бир күнү эрте менен балтасын жоготуп алат. Үй-бүлөсүн ошол балта менен баккандыктан, анын жоголгонуна аябай кейип-кепчийт. Башка балта алганга акчасы да болбогондуктан ыйлап Кудайга:

— Кудайым ай! Балтам болбосо мен кантип үй-бүлөмдү багам? Бизди ач калтыра көрбө! — деп жалынып-жалбарып суранат.

Кудай отунчуга боору ооруп жанына адам кейпиндеги сулуу бир периштени жөнөтөт. Периште отунчуга келип акырын:

— Эмне издеп жатасың? Бир нерсенди жоготуп алдынбы? — деп сурайт.

Отунчу ыйлап, башына келген окуяны болгонун болгондой ага айтып берет. Буга периште күлүмсүрөп:

— Мындай жөнөкөй нерсеге чоң эле адам кантип ыйласын? Мен сага жоготкон балтандын ордуна мындан жакшысын берем, — дейт да, отунчуга алтын саптуу балта сунат.

Таң калган отунчу балтага көңүл коюп бир карап алат да, анан периштеге:

— Бул менин балтам эмес,- деп жооп берет.

Муну уккан периште ага күмүш саптуу балта берет.

Отунчу аны карап дагы:

— Мен мындайды каалабаймын. Өзүмдүн балтам керек мага — дейт ыйлактап.

Акыры периште отунчунун өзүнүн балтасына окшош балтаны берет. Мына ошондо гана отунчу аябай кубанып: Мына эми бул балта менин балтама окшош экен. Тиги экөөнүн кереги жок мага. Мага өзүмдүн эле балтам керек, — дептир.

Отунчунун мындай сыпаа мамилесине периште баа берип, тиги эки кымбат баалуу балталарды ага белекке бериптир. Отунчу бул белектерди чон кубаныч менен кабыл алган экен.

Топ 10 популярдуу жомок

Ырдын атыLike саны
Акылдуу балдар38
Көмөч нан (колобок) жомок28
Жакшылык кылуу - Жакшылык тууралуу жомок27
Алия менен жылкы25
Сараңдык - Кармаганы алтынга айланган Падыша25
АПЕНДИ ЖАНА ЭШЕК20
Алтын балык14
Атанын осуяты жомок14
Кедей бактысы12
Акылдуу кыз жомок11

Сизге жактыбы? Комментарий жазыңыз

Сиздин email адрес жарыяланбайт. Обязательные поля помечены *