Айылдын ары жагынан,
Алмалуу колхоз багынан.
Кечкурун иштеп тең кайтып,
Келаткан күндү сагынам.
Жаштыктын ошол чагынан,
Тең татып өмүр балынан.
Колумдан кызыл гүл алып,
Коштошкон күндү сагынам.
Сагынам, жаным, сагынам,
Алыссың кантем жанымдан?
Сүйгөнүн эстеп сагынуу,
Эң кыйын экен баарынан.
Кыргызча mp3 каталогу: Ала-Тоо таңшыйт, жомоктор жана башка кызыктуу аудиолор жана текстер жыйнагы.
