Биз ал кезде талдай жаш элек,
Аруу элек, сулуу, наз элек.
Он гүлүнүн бири ача элек,
Жакшы ырлардай ширин, наз элек.
Кайырма:
Каректерге кайгы, убайым али ката элек,
Билип, билбей күнөөлөргө дагы бата элек.
Байлык, бийлик, мансап даамын тата элек,
Кандай таза, кандай жаш элек…
Ошондо биз өктөм, жаз элек,
Аруулукка кумар, мас элек.
Жалганчылык жанга бата элек,
Жашоонун шор даамын тата элек…
Кайырма:
Каректерге кайгы, убайым али ката элек,
Билип, билбей күнөөлөргө дагы бата элек.
Байлык, бийлик, мансап даамын тата элек,
Кандай таза, кандай жаш элек…
Жакшы ырлардай ширин, наз элек…
Кыргызча mp3 каталогу: Ала-Тоо таңшыйт, жомоктор жана башка кызыктуу аудиолор жана текстер жыйнагы.
