Көктөмдөргө бөлөгөн көңүлүмдү,
Сен деп билем, сезимде теңиримди.
Бакытым да, байлыгым ушул деймин,
Сага гана арналган өмүрүмдү.
Кайырма:
Сага гана айтамын жан сырымды,
Сага гана арнаймын жакшы ырымды.
Салтанаттуу өмүрдүн сереси дейм,
Сага гана байланган тагдырымды.
Ырыскымды ыйгарган ыр дүйнөдөн,
Ыраазымын миң ирет тагдырга мен.
Асыл ойду беттеген аруу тилек,
Ак нур жааган жолумду сен деп билем.
Кайырма:
Сен деп билем жашоонун улуулугун,
Сен деп билем дүйнөнүн сулуулугун.
Сезимдерге от чачып арууланткан,
Сен деп билем ааламдан келген нурум.
Кайырма:
Орозгүл Токторбаева — Сага гана тексти
Датасы: 07.10.2020 Көрүүлөр: 197
