Кел достор отуралы оюн куруп
Ырдайлы обон созуп үн кубултуп
Ансыз да турмуш жүгү басып турат
Көңүлдү көтөрөлү
Жашоонун кайгы мууңүн унуттуруп
Кел достор жакшы тилек арнашалы
Бирге болуп бирге басып жанашалы
Ансыз да өмүр кыска өмүр кымбат
Күтөлү сагыналы
Эңсешип тирүүбүздө сыйлашалы
Кел достор калтырбайлы көнүлдөрдү
Ыр менен узарталы өмүрлөрдү
Байытып күлкү менен жан дүйнөнү
Жакшылык тилешели
Жашоону кубанычта өткөрөлү