Кайырма:
Жаз болуп жактың,
Гүлдөй наздана.
Жалынга баттым,
Жалгыз мен гана.
Күлгөнүң күмүш булак,
Жүрөккө жүрүш кылат.
Жүзүңдөн сүйөмүн деп,
Күн дагы күлүп чыгат.
Сыласаң желге боюң,
Сыдырым жел болоюн.
Бактыма эмне жарашса,
Бардыгы мен болоюн.
Кайрыма:
Жаз болуп жактың,
Гүлдөй наздана.
Жалынга баттым,
Жалгыз мен гана.
Сүйкүмдүү карап,
Көңүл бурсаңчы.
Сүйүү бер мага,
Сүйүү бир тамчы.
Кайда деп күкүктөрдөн,
Карасам бүттүк жерден.
Ажайып перисиңби,
Асмандан түшүп келген?
Кайырма:
