Кирпи

1 чи Like басыңыз.

Кирпи жолдо баратып теңге таап алат. Ошол учурда каретасындагы аттарын алкынтып жанынан бай өтө берген экен.

— Байда жок байлык менде бар!- деп кирпи ага угуза кыйкырат.

Бай ач көз болчу, андыктан “менде жок ал кандай байлык болду экен?” деген ойдо каретасынан түшүп келип:

— Менде жок ал кандай байлык экен?-  дейт.

Кирпи унчукпастан бир теңгени көргөзөт. Бай аны көрүп бырс этип күлүп жибергени менен ач көздүгү кармап, кирпинин жалгыз теңгесин тартып алат да кайра жолуна түшкөн кезде кирпи кыйкырат дейт:

— Көрдүңөрбү! Байда жок байлык менде бар үчүн аны тартып алды!

Эми байдын ач көздүгүн куру намысы жеңип, баарына көргөзө бир теңгени жолго ыргытат. Кирпи болсо кыткылыктай күлүп:

— Көрдүңөрбү? Мен байлыкты эмес, акылды айткан болчумун,- дейт.

Бай буга ого бетер арданып, кирпини жылаңач кол менен ала албасын түшүнүп, арабакечине:

— Эй, айдабайсыңбы!- деп зекиген бойдон жолуна түшкөн экен.

Топ 10 популярдуу жомок

Ырдын атыLike саны
Алданган карышкыр жомок237
Таранчы менен түлкү206
Акылдуу дыйкан204
Ырыс алды — ынтымак193
Акыл карачач188
Ууру үкү135
Муз чолпу107
Көмөч нан (колобок) жомок89
Чоң кумурска менен кичинекей кумурска76
Жоогазын60

Сизге жактыбы? Комментарий жазыңыз

Сиздин email адрес жарыяланбайт.