Тийишкенде сөзү көп, кудуксуңар жигиттер,
Сүйгөн кыздын алдында, дудуксуңар жигиттер.
Доого түшүп калгандай жалгыз жүрсө сөзү жок,
Достор болсо жанында куудулсуңар жигиттер.
Кайырма:
Тамаша, бул тамаша,
Чындыгына жараша.
Таарынганга себеп жок,
Турмуш өзү тараза.
Сүйлөп тоону томкоруп, коймок болгон жигиттер,
Ишке келсе жалтаңдап ойнок болгон жигиттер.
Жети кадам алыстап калса сүйгөн кызынан,
Бүт баардыгын унутуп бойдок болгон жигиттер.
Кыргызча mp3 каталогу: Ала-Тоо таңшыйт, жомоктор жана башка кызыктуу аудиолор жана текстер жыйнагы.
