Мен өзүңдү күтпөй гулзардан,
Жолугууга келем талаага.
Чачтарыңды желге чачтырып,
Койсом кечир, кечир, садага.
Мен өзүңдү күтпөй кечтерде,
Кездешүүгө келем талаага.
Ак жүзүңдү күнгө күйдүрүп,
Койсом кечир, кечир, садага.
Мен өзүңдү күтпөй бий залдан
Сырдашууга келем талаага.
Үмүтүңдү жолго калтырып,
Койсом кечир, кечир, садага.
Мен өзүңдү күткөм азанда,
Иште тынбай дыйкан, садага.
Тоодой жыйнап алган түшүм, берекең
Толуп турсун жерде, элде, базарда.
Акмаанай Эшбаева — Кечир, садага тексти
Датасы: 01.10.2020 Көрүүлөр: 345
