Күттүм сени, күндөр өттү арадан,
Күйүт күчөп, арылбадым санаадан.
Карааныңды күндө эңсеп сагынам,
Айтчы, жаным, анан кантип унутам?
Кайырма:
Күндө тартып сүйүү нурлуу жебесин,
Көз алдымда сенин гана элесиң.
Муңга толгон жүрөгүмдү шаңдантып,
Айтчы, жаным, эми качан келесиң?
Кайда сенин келем деген убадаң?
Күтө берем, ал бир менин убарам.
Чын сүйүүнүн жалындары чачырап,
Илебине күйүп-жанып баратам.
Кайырма:
Кайда кетти, кайда сенин карааның?
Эми сени кайдан издеп табамын?
Бир көрүнүп дартым козгоп жок болдуң,
Жүрөктөгү эски сүйүү жараны.
Кайырма:
Гүлнара Кахарова — Күттүм сени тексти
Датасы: 14.10.2020 Көрүүлөр: 917
