Мамбет Акын & Нурдин Рысбеков — Кыргыз кыздары

Ай десе айдай жаркыган
Күн десе күндөй жаркыган
Айырмалангыс туптунук
Асмандан түшкөн тамчыдан
Кемчилиги жок боюнда
Келбети баарын камтыган
Көркүңө ашык жалпы жан
Көргөндүн баары балкыган
Кыргыздын кызы ушундай
Кыргыздын жыты аңкыган
Кыргыздын кызы ушундай
Кызгалдак жыты аңкыган

Ак мончок шуру тактырган
Ай тийбес жерге бактырган
Көк мончок шуру тактырган
Көлөкө жерге бактырган
Көркүнө шайы да ыймандуу
Көргөндүн баары жактырган
Аккуу бир моюн бото көз
Акырын сүйлөп каткырган
Ай десе айдай жаркыган
Күн десе күндөй жаркыган
Айырмалангыс туптунук
Асмандан түшкөн тамчыдан
Кемчилиги жок боюнда
Келбети баарын камтыган
Көркүңө ашык жалпы жан
Көргөндүн баары балкыган
Кыргыздын кызы ушундай
Кыргыздын жыты аңкыган
Кыргыздын кызы ушундай
Кызгалдак жыты аңкыган

Ак мончок шуру тактырган
Ай тийбес жерге бактырган
Көк мончок шуру тактырган
Көлөкө жерге бактырган
Көркүнө шайы да ыймандуу
Көргөндүн баары жактырган
Аккуу бир моюн бото көз
Акырын сүйлөп каткырган
Кыргыздын кызы ушундай
Куураган чөлдү бак кылган

Колунан көөрү төгүлгөн
Кош бурулуп чачы өрүлгөн
Жоодурап кийсе шай көйнөк
Жомоктогудай көрүнгөн
Маралдай бассаң маңкайып
Махабатка дагы чөмүлгөн
Оймок ооз найза кирпиктүү
Орун бир алган көңүлдөн
Кыргыздын кызы ушундай
Кымбаты артык өмүрдөн

Кызгалдак сымал бүр жарган
Кыргыздын кызы Курманжан
Каныкей сындуу ар бир кыз
Кадыры менен күндү алган
Татыбүбү Сайрадай
Тамылжып жүзү нурданган
Айсулуу менен Мээримдей
Айбаты менен сүрдү алган
Атыңдан кыргыз кыздары
Айланып кетсин кур жалган
Кыргыздын кызы ушундай
Кылыдын эли үлгү алган