Бир күнү акылман арабага түшүп келе жатты. Ал араба-
сын токтото калып эңкейип караса, жолдо кичинекей бала шаар жасап, ойноп отуруптур. Акылман:
‒ Балам, арабага жол бербейсиңби? ‒ деди.

Бала акылмандын баш-аягына карап туруп:

‒ Чоң ата, мен шаар салып жатпаймынбы? Шаар араба-
га жол бербейт. Араба шаарды айланып өтүшү керек го, ‒ деди.

Акылман абдан таң калды. Арабадан түшүп келип:
‒ Балам, жашыңа караганда акылың көп экен, ‒ деди.

Анда бала:
‒ Эмне үчүн андай дейсиз? Коёндун бөжөгү үч күндөн
кийин жүгүрүп кетет. Жети жашка келгиче мен кантип бир
нерсени билбейин, ‒ дейт.

Акылман жылмайып:
‒ Мен сага бир нече суроо берейин. Жооп берсең, бир
нерсе билериңе ишенейин, ‒ дейт.
‒ Жооп берүүгө даярмын, ‒ дейт бала.

Акылдуу бала 2

Кандай сууда балык болбойт? Кандай тоодо таш болбойт? Кандай жыгачта бутак болбойт?

Ушуларга жооп берчи, ‒ дейт акылман.

Булактын суусунда балык болбойт. Кум дөбөдө таш болбойт. Чирик жыгачта бутак болбойт ‒ деп бала жооп берет.

Бала да акылманга суроо берет:
‒ Чоң ата, асманда канча жылдыз бар? ‒ дейт.

‒ Айланайын балам, бизден ыраак турган нерсени сураганың кандай? Бизге жакын турган нерседен сура.

‒ Андай болсо, сиздин кашыңызда нече тал кыл бар? ‒
деп сурайт.
Кичинекей баланын акылына акылман абдан таң калып:

‒ Балам, окууну көп оку. Акылың дагы арбыйт. Өмүрүң узун болсун! ‒ деп ак батасын берип, баланын шаарын айланып өтүптүр.

Топ 10 популярдуу жомок

Ырдын атыLike саны
БУГУ ЭНЕ(«Ак кеме» повестинен үзүндү)99
Алия менен жылкы57
Карышкыр менен эчки43
Карышкыр жана жети улак34
Акылдуу балдар29
Көмөч нан (колобок) жомок28
ЖАЛКОО21
Коён менен кирпи20
Кыска жана күлкүлүү жомоктор20
Акылдуу кыз19

Акылдуу бала: 21 комментарий

Сизге жактыбы? Комментарий жазыңыз

Сиздин email адрес жарыяланбайт. Обязательные поля помечены *