Эльзар Өскөнбаева — Адамдар сыйлашалычы тести

Ойлорду дурустайлычы
Өмүрдү курутпайлычы
Ансыз да көз ирмем жашоо
Адамдар урушпайлычы

Жүрөктү жыргаталычы
Жүрөктөн сырдашалычы
Ак таңдай нурданып жанып
Адамдар сыйлашалычы

Убайдан алыстайлычы
Урушуп чабышпайлычы
Ишеним алсырап барат
Иш менен аныктайлычы

Бөксөрүп төгүлбөйлүчү
Бөйрөктөй бөлүнбөйлүчү
Жараткан кудайга анан
Жагымсыз көрүнбөйлүчү

Аңдышып жашабайлычы
Жамандык жасабайлыкчы
Жүзүбүз нурданып турсун
Жүрөктү тазалайлычы

Жакшыга өзгөрөлүчү
Жакшыны тез көрөлүчү
Жашоону баладай сүйүп
Жагымдуу өткөрөлүчү