Агарган таңда жел аргын аздан айдаган
Ак булут болуп бетиңден сылап өпсөмбү
Албырган жүзүң көздөрүң күлкү жайнаган
Таркатып кумар сагыныч менен көксөмдү
Кызарган күндө жылуулук бойго таратып
Күлмүңдөп турса үмүткө шоола жаратып
Сезилип турса өзүңдөн бийик махабат
Мен деле сүйөм сагынтып күтүп саматып
Мээбиреп турсам мээримин төгүп бүт аалам
Махабат отко жалындап мен да күйө алам
Сапарлап жаап бакыттын турса ак кары
От болуп куйуп мен деле билсең сүйө алам