Бир курдай айыл четиндеги дөңсөдө короз менен түлкү капыл-тапыл кабылып калат. Шаштысы кеткен короз бакка конуп, ырын созот.

– Сен бу жерде не кылып жүрөсүң? – деди түлкү.

– Ырдап отургандагым, – деди короз.

– Ырдаганыңды койчу. Түшпөйсүңбү бери, намазга чогуу жыгылалы!

Түлкүнүн арам оюна короз шыдыр түшүндү да, үн катты:

– Токто! Мен ырдап турайын, ага чейин башка динчилдер окуй турсун, биз анан жыгылабыз намазга!

– А эмне, дагы бирөөлөр келмек беле? – түлкү таңгалып сурады.

– Мына келатышпайбы, карасаң! – короз айыл жакка канат сермеди.

Түлкү айыл жакка көз салса – чын эле таркыйган эки тайганын эрчиткен мергенчи көрүндү.

Коркконунан селдейген түлкү корозго айтканы:

– Сен анда мен жок деле намаз окуй бер, мен тез эле келем. Кашайып, даарат алганды унутуп коюптурмун. Сен го даарат кылыпсың, – деген бойдон токойду көздөй сызыптыр.

Топ 10 популярдуу жомок

Ырдын атыLike саны
Алия менен жылкы58
Акылдуу кыз жомок43
БУГУ ЭНЕ(«Ак кеме» повестинен үзүндү)41
Суйуу жөнүндө жомок36
Акылдуу балдар28
КҮЧ БИРДИКТЕ ЖОМОГУ19
Карышкыр менен бээ18
Көмөч нан (колобок) жомок18
Алтын балык17
Каз менен турна17

Один комментарий к “Короз менен түлкү”

Сизге жактыбы? Комментарий жазыңыз

Сиздин email адрес жарыяланбайт. Обязательные поля помечены *