Бир күнү Цаген бир жактан үйүнө келатып катуу жаанга кабылды. Жакын жердеги ашкананы көрө сала, жамгыр басылганча калкалана турайын деп кире калды. Ашканада жып-жылуу, даамдуу тамак жыттанып турду.

Жаан басылып, Цаген чыкмак болгондо ашкананын ээси токтото калды:

– Эмне акча төлөбөй кетип баратасың?

– Эмне үчүн акча төлөшүм керек? – таң калды Цаген.

– Кантип, эмнеге? – дейт кожоюн. – Сен тамактын жытын жыттаган жоксуңбу?

– Жыттасам жыттагандырмын, бирок тамагыңды көргөн да, жеген да жокмун!

– Баары бир жыттаганың үчүн төлөшүң керек! – деп тиги артынан калбайт.

Цаген тигинден кутулбасын көрдү да айтты:

– Макул, төлөсө төлөйүн, акчам жок эле, үйдөн алып келип берейин.

Үйүнө барып акча алып келсе ээси күтүп отуруптур:

– Алып келдиңби акча?

– Алып келдим, – дейт Цаген. Колун чөнтөгүнө салып, тыйындарын шыңгыратып койду.

– Уктуңбу, тыйындар кандай шыңгыраганын?

– Уктум.

– Мына эми сен экөөбүз эсептештик. Мен сенин тамагыңдын жытына тойдум, сен менин акчамдын добушун укканыңа ыраазы бол, – деди да ашканадан чыгып кетти.

Топ 10 популярдуу жомок

Ырдын атыLike саны
Алтын балык22
Көмөч нан (колобок) жомок14
БУГУ ЭНЕ(«Ак кеме» повестинен үзүндү)13
Жетим менен сыйкырчы жомок11
Жарык жол9
Кичинекей жалбырак жөнүндө жомок9
Кыска жана күлкүлүү жомоктор9
Акылдуу кыз жомок7
Алия менен жылкы5
Карышкыр менен бээ5

Сизге жактыбы? Комментарий жазыңыз

Сиздин email адрес жарыяланбайт. Обязательные поля помечены *