Тилегибиз орундап
Келин берди жар-жар
Кубанычтан толкундап
Элим келди жар-жар
Алакандар чабылсын
Ак тилектер жаңырсын
Бак табышкан эки жубайга
Үлпөт тоюн кут болсун
Ырыскыңар жуп болсун
Таалайынар жетсин түн айга
Бир-бириңерге
Калыс бол жар-жар
Кайгы кападан
Алыс бол жар-жар
Өмүр өткөнчө
Ашык бол жар-жар
Үйлөнгөндөргө бакыт кон жар-жар
Ак-батасын арнаган
Аталарга жар-жар
Ак элечек жамынган
Апаларга жар-жар
Өмүр кыска сезгиле
Ойноп күлүп кеткиле
Эки жаштын маанайын ачып
Тагдырыңар түз болсун
Чыкканыңар жүз болсун
Асманыңар ар дайым ачык
