Түшүмө сени кирсе дейм,
Түр көйнөк кийип келсе дейм.
Түзөңдөн терип гүлдесте,
Түшүмдө черди жазса дейм.
Уйкумда түшкө кирсе дейм,
Улуу төр жакка келсе дейм.
Улардай мукам үн салып,
“Убайым жебе” десе дейм.
Санаамда түшкө кирсе дейм,
Саймалуу төргө келсе дейм.
Сары оору болгон жүрөктүн
Сагынчын жазып келсе дейм.
Таңга жуук түшкө кирсе дейм,
Тамылжып жүзүң турса дейм.
Таң калтып мени түшүмдө
Таңшытып обон созсо дейм.
Түшүмө сени кирсе дейм.
