Карагат үзгөн гүлүмдөй
Ары күндөр калды капкайда
Арчалуу бетти этектеп
Айылдаш конгон чак кайда
Кайда кайда калды кайда
Эңсеткен ошол жаз кайда
Күлүктү минип туйлатып
Жылкы айдап түштүң маңдайдан
Кымыздын гүлүн андагы
Кете элек али таңдайдан
Бирге болгон бирге болгон
Конуштар эчак саргайган
Кулундай туйлап жарышып
Ышкыным терген бел кайда
Саамайды көккө сапырып
Ойлогон эрке жел кайда
Кайда кайда калды кайда
Сен кайда бүгүн мен кайда
Ал күндөр келбей кетсе да
Айрылбайт үмүт жакшы ойдон
Өзгөртүп мезгил тагдырды
Өмүрдөн өтсөк тап бойдон
Бирге болгон биз ойногон
Арчалар дале жаш бойдон
Эн сонун.,