Сенденби же менденби кимибизден?
Сезимдер өчүп барат дилибизден,
Адашып келатабыз атаганат,
Арзышып араң тапкан сүйүүбүздөн.
Кайран кез кандай сонун убак эле
Карегиң эңсөө тороп тураар эле.
Сагынып, самап келсем сапарымдан
Саамайың самаал кымыз сыңар эле.
Кыш чилдеде кыялың жайдай эле,
Кылыгың кырдагы азоо тайдай эле,
Алтыным кайда жүрсөң аман бол деп,
Актыгың асмандагы айдай эле,
Күн өттү күлгүн курак жылдар өттү,
Күү толгоп биздин жаштык ырлар өттү,
Саргарып күздө түшкөн жалбырактай
Санааны сапырылткан сырлар өчтү.
Махабаттын башатын чандың беле?
Байкабай капа кылып алдым беле?
Болбосо бозуланга менден артык
Бой салып ашык болуп калдың беле?
Көңүлдөр мүз тор ордоп бара электе,
Көз жаштар көл шал болуп ага электе,
Таң шоолам, суу куя көр сезимдерге,
Тамыры такыр куурап кала электе.
Асылбек Өзүбеков — Таң шоолам тексти
Датасы: 22.10.2020 Көрүүлөр: 852
