Ыр төгүлүп жүрөгүмдү эргиткен,
Жыпар жыты көңүлүмдү сергиткен,
Жайлоо гүлү.
Искеп жытын, моокум канбай тургамын,
Кереметүү, мен сагынып, мен күткөн,
Жайлоо гүлү.
Кайырма:
Жайлоо гүлү, ак сүйүүмдүн күбөсү элең,
Жүрөгүмдө ал сезимди өчүрбөй келем,
Жайлоо гүлү.
Жайлоо гүлү, унута албай өткөндү,
Издеп келдим ошол кезди, көктөмдү,
Жайлоо гүлү.
Сыдырым жел эрке сылап жүзүмдөн,
Эске салды эң алгачкы сүйүүмдү,
Жайлоо гүлү.
Кайырма:
Кыргызча mp3 каталогу: Ала-Тоо таңшыйт, жомоктор жана башка кызыктуу аудиолор жана текстер жыйнагы.
