Ойлоп көрсөм эң жаман,
Чоң жоготуу, чоң күтүү.
Кыз баланын жанынан,
Өтүп кетсе чоң сүйүү.
Жаман, жаман, эй жаман,
Бул дүйнөдө эң жаман.
Сүйүү күтүү, сагынуу,
Айрылуу жаман.
Ойлоп көрсөм эң жаман,
Жүрсө күтүп сүйүүнү
Сезбей калса жаш жигит,
Келгендигин сүйүүнүн.
Жаман, жаман, эй жаман,
Бул дүйнөдө эң жаман.
Сүйүү күтүү, сагынуу,
Айрылуу жаман.
Ойлоп көрсөм эң жаман,
Жетип сүйүү курагы.
Келсе, кетсе махабат,
Кудум жийде бурагы.
Жаман, жаман, эй жаман,
Бул дүйнөдө эң жаман.
Сүйүү күтүү, сагынуу,
Айрылуу жаман.
Баарынан да эң жаман,
Адамдын жашпы, каарыбы.
Бош турса жаз түнүндө,
Жаздыгыңдын жарымы
Жаман, жаман, эй жаман,
Бул дүйнөдө эң жаман.
Сүйүү күтүү, сагынуу,
Айрылуу жаман.
Жаман, жаман, эй жаман,
Бул дүйнөдө эң жаман.
Сүйүү күтүү, сагынуу,
Жалгыздык жаман
Жолдошбек Мамажанов — Ойлоп көрсөм тексти
Датасы: 29.10.2020 Көрүүлөр: 2558
