Сен келерсиң бир күнү,
Аруу таңды аралап.
Шүүдүрүмдөй карегиң,
Ак чыныда карагат.
Сен келерсиң бир күнү,
Нур жүзүңдөн чачырап.
Айдыңыңдан көзүңдүн,
Баратамын магдырап.
Шамалына жытыңдын,
Азгырылам артыла.
Карааныңа атыңдын,
Баргым келет батыраак.
Кайдан, качан белгисиз,
Сен келерсиң бир күнү.
Сен келерсиң бир күнү,
Ызгаарымдын жолунда.
Илебиңдин кайтпаган,
Жылынайын отуңа.
Сен келерсиң бир күнү,
Адаштырып акылдан.
Араң турган жаным, ай,
Ала качып закымдап.
Урмат Усенов — Сен келээрсиң тексти
Датасы: 05.11.2020 Көрүүлөр: 2322
Илебиңдин кайтпаган жылынайын отуна.
Илебиңдин-отуна.
Же илебинен кайтпаган жылынайын отуңа
Илебинен кайтпаган — отуңа.
Сүйлөмдүн ээси кайсыл жөндөмөдө болсо демек калган сөздөр ошого жараша жазылыш керек.