Эңсей берем жаштыгындын мезгилине,
Элестетип жазгы суунун киргенин.
Кумар отун кусалыкка батырып,
Кара чачтын ак чаларын билбедим.
Эңсей берем жайкы таңдын көктөмүн,
Ээ-жаа бербей жамгыр тынбай төккөнүн.
Күлгүн курак өткөн чакты сезесиң,
Кызыл жуздун нуру тарап өчкөнүн.
Эңсей берем жылдыз учуп өчкөнүн,
Эрке кыял кыз-уулума көчкөнүн,
Карап туруп анан кантип картайбайм,
Куш мүчөлүү кыз-уландын көркөмүн.
Энсей берем кызгалдактуу талааны,
Элестүү учур бир кайрылбай калабы
Элегине миң кабылткан откүр чак
Эңилчегин сыйлап өтчү жаратты.
