Нурфиза Кадырбаева — Көл серенадасы

Ай тийген көлдүн түнкү жамалы
Жээгинен ээрчип толкун ыргагы
Желге ойноп менин эрке кыялым
Көрүүнү жаным сени самадым

Асманда жанган жылдыздайсың
Ааламда учуп сезимде кыялым
Ашыктык каалоосунда кыз жүрөгү
Асылым сени көрбөй кусамын

Күн нуру тийген көлдүн жамалы
Көрүүдөн көзүм эч бир талбады
Көңүлгө салып көлдүн толкуну
Көрүүнү жаным сени самадым