Ак калпагын кийип ыргаган
Ак чөлмөгүн ойноп ырдаган
Салты менен наркын кастарлап
Сайран куруп гүлдөп жыргаган
Кайырма:
Бийиктикти тоодой караткан
Тунуктуукту суудай тараткан
Биз Манастын урпагы
Кантип аны унталы
Өчпөс тарых дастан жараткан
Улуулугун кылым жалгаган
Улан кыз бар чокту кармаган
Ат жалына асып казанды
Ак эмгегин элге арнаган
Күү жаңыртып күлүк таптаган
Санжырасын улап жаттаган
Пейли кенен жааган ак кардай
Белгиси бар кыргыз сактаган
