Бак аралап баратсам алды жактан,
Көрүндүң да боюңду не түзөдүң.
Көркүң менен көп жылдар чарчоо баскан
Жүгүн алып ыргыттың сен жүрөктүн
Ошондогу келбетиң кер маралдай
Ашык болуп арманда мен жүрөмүн.
Билсем деле жаш жактан айырманы
Сезим, эрким өзүмө баш ийбеди
Тоо артынан чыга келген айдай болуп
Көрүнүшүң көңүлүмдү бүт бийледи
Кантеп эми кайран жаш кыртан ашып
Кыйналганым жароокер же билсечи
Гүлү болсоң сүйүүнүн жаңы ачылган,
Бапестейин багбанын болуп гана
Суусу болсоң булактын мөлтүрөгөн
Дайра болуп агайын кошул мага.
Эч ким билбес жүрөктө оргуштаган
Ырдалайын сүйүү ыры болуп сага.
Кантеп эми кайран жаш кыртан ашып
Кыйналганым жароокер же билсечи
Кыргызча mp3 каталогу: Ала-Тоо таңшыйт, жомоктор жана башка кызыктуу аудиолор жана текстер жыйнагы.
