Айылымды жүрөм сагынып
Уксам деп жакшы жаңылык
Жете албайм аттиң ай сайын
Күнүмдүк ишке камынып
Жаз өтүп жай күз кайра эле
Жыл дагы келет жаңырып
Булбулун ырын уккан эл
Элмирбек төкмө чыккан жер
Токтогул Залкар тарыхта
Түбөлүк кылды кутман эл
Тоолордон кайрык жаңырып
Топ талант ырдап чыккан жер
Токтогул кичи мекеним
Сөз жетпейт ыйык сеземин
Киндик кан тамган улук жер
Баркына кантип жетемин
Балалык кылып кадырын
Байкабай жүргөн экенмин
Төрөлгөн жерим Өзгөрүш
Жакында барып кетемин
Айлымды жүрөм сагынып
