Бир жакшы сөз атайлап,
Айтмак элең, айтпадың.
Балким, ушул чын эле,
Ыңгайлуу кез таппадың.
Кайырма:
Жаштык сенден, менден да,
Артта калып жашынат.
Ошол жакшы бир сөзүң,
Качан, кантип айтылат?
Андан бери арадан,
Жылдар өттү чапкылап.
Коңур, кара чачымды,
Басып барат ак бубак.
Кайырма:
Бак аралап бакчага,
Бармак элек, барбадык.
Балким, жалын жаштыктын,
Баркын баалай албадым.
Жаштык сенден, менден да,
Артта калып жашынат.
Ошол жакшы бир сөзүң,
Качан, кантип айтылат?
Кыргызча mp3 каталогу: Ала-Тоо таңшыйт, жомоктор жана башка кызыктуу аудиолор жана текстер жыйнагы.
