Колумдан учтуң көгүчкөн сымал
Көктөмдөй болсун турмуштук уяң
Көпөлөк канат үйбүлөк кызым
Көңүлүм бошоп узатып турам
Кызылдан көйнөк көйкөлүп кийип
Кайын журт барктап эркелеп жүргүн
Ак тилек менен амандык тилеп
Алакан жаят ата-энең бүгүн
Кайырма:
Кийгениң манарт кыргыздын кызы
Маңдайдан жаңган жылдызды кызым
Журтуңдан барган бакыт тап кызым
Элиңдин болгуң нур кызы кызым
Турмуштун татып насибин тузун
Өмүрүң болсун дайрадай узун
Кайныңа эмес калкыңа жагып
Сыймыгы болгун элиңдин кызы
Балалык менен коштоштуң бүгүн
Ачылган гүлгө окшоштуң бүгүн
Башыңа бакыт түбөлүк консун
Таалайдын жолун бек тутуп жүргүн
Кош өрүм чачың өрүлүп кызым
Ырыскың толсун төгүлүп кызым
Элиңе кылган урматың сыйың
Пейлиңден турсун көрүнүп кызым
Өрүктөй болуп мөмөлөп кызым
Уул кыз тапкын бөбөлөп кызым
Коломтоо тууң өчүрбөй сактап
Үйүңдүн кутун көкөлөт кызым
Майрамдай болсун маанайың кызым
Толтура болсун таалайым кызым
Ата-энең сага бак таалай каалап
Амандык тилейт ар дайым кызым
Кундуздай чачың өрүлгөн кызым
Жүзүңдөн күлкүң төгүлгөн кызым
Жериңдин барган байытып кызым
Армансыз өткүн өмүрдөн кызым
Таалайлуу болгун алтыным кызым