Бас дедиң сен баспай койдум
Кач деегенде качпай койдум тагдырым
Таарындың го ошого сен
Бакыт жолум ачпай койдуң тагдырым
Даңгыр жолго тактай койдуң
Жандырмагын айтпай койдуң тагдырым
Капа болуп мен да сага
Айтканымдан кайтпай койдум тагдырым
Кайырма:
Эх досум тагдыр
Билбейм менде жетпей калган арманың бардыр
Жаңылтып мени
Күч коротпой узак жолго дарманың калтыр
Сынап да көрдүң
Жалганыңа барбай койдум
Кыйнап да көрдүң
Өкүмүңө сынбай койдум
Эми дос тагдыр
Калган жолду сен мага калтыр
Тоскун дедиң тоспой койдум
Кош дегениң кошпой койдум тагдырым
Сен ошого өчөштүң го
Сүйүү жолум кошпой койдуң тагдырым
Басмайылды боштой койдуң
Мен байгеден озбой койдум тагдырым
Сен кайдыгер ырдап турдуң
Менда коштоп созбой койдум тагдырым
