Илгери өткөн заманда бир киши жана анын үч баласы бар экен. Алар үй-бүлөсү менен бактылуу жана ынтымакта жашаптыр. Бир жолу Бакыт ал кишиге минтип айтыптыр:

– Мен бүгүндөн баштап сенин үйүңдөн кетем!

Эмне болгонун түшүнбөй, ал киши улуу баласын чакырып алып мындай дейт:

Бакыт биздин үйдөн кетем деп атат. Буга эмне дейсиң, эмне кылабыз?

– Кетсе, кете берсин! Бизге Бакыттын кереги жок, биздин достугубуз кетпесе болду дейт, – улуу баласы.

Атасы бул жөнүндө ортончу баласынан эмне кылабыз? – деп сурайт.

Ортончу баласы да:

– Кетсе кете берсин Бакыт, биздин ынтымагыбыз бар эмеспи, – дейт.

Ата эң акырында кичүү баласынан сурайт, кичүүсү:

– Биздин үйдөн бакыт кетсе, биздин биримдигибиз калат, – дейт.

Үч баласынын оюн уккандан кийин атасы балдарынын айткандарын Бакытка айтып берет. Баарынын сөзүн уккандан кийин Бакыт мындай дейт:

– Мен эми силердин үйдөн кетпейм. Кай жерде биримдик, достук, ынтымак болсо, менин ордум ошол жерде, мен мындай жерден эч жакка кетпейм. А силер болсо өзүңөр эле ынтымактуу болбостон ойлогон оюңарда да ынтымак, достук, биримдик бар. Мына мен ошондуктан силердин үйүңөрдөн кетпейм, – дейт. Ошентип, ал киши үч баласы менен өмүрүнүн аягына чейин бактылуу жашап өтүптүр.

Топ 10 популярдуу жомок

Ырдын атыLike саны
Алия менен жылкы63
Акылдуу кыз жомок50
Көмөч нан (колобок) жомок33
Акылдуу кыз31
ЖАЛКОО28
Жакшылык кылуу - Жакшылык тууралуу жомок27
Дыйкан жана мышык25
Акылдуу балдар18
Алтын балык17
БУГУ ЭНЕ(«Ак кеме» повестинен үзүндү)16

Один комментарий к “Биримдик”

Сизге жактыбы? Комментарий жазыңыз

Сиздин email адрес жарыяланбайт. Обязательные поля помечены *