Тойбосс
Тойбосс

Булбулдай черди таркаткан,
Селкилер ырдап бараткан.
Сергитип бойду атыр жел,
Сары чолпон чыгып таң аткан,
Гулкайырдай буралып,
Күлүшүң жанга жарашкан.
Элесиң таңда жаркылдап,
Эрксиз нечен караткан.

Көргөндө көздү талдырган,
Күн нуру болсоң сүйгөнүм.
Кетпеди менин эсимден,
Кеңешкен айлуу түндөрүм.
Күмүштөй тишиң кашкайып
Күйгүзөт селки күлгөнүң,
Сүйүүнүн оту жалындап,
Сен үчүн кыйын күндөмүн.
Ак жибек кийип басканың,
Ай нуру тоону жапкандай.
Жарк этип карап койгонуң,
Жүрөктүн сырын тапкандай.
Түшүмдөн кетпей эркелеп,
Сыр чечишип жаткандай
Таарынба жигит деп койсон,
Таң сөгүлүп аткандай.

Топ 10 популярдуу ыр

Ырдын атыLike саны
Лира Райымбекова — Жүрөктөгү жаз тексти1007
Нурлан Насип - Унутпа тексти974
Аваз Акимов - Досторго599
Гүлназ Чыныбек кызы — Жолуксак кандай жакшы тексти404
Эрлан Андашев — Уяласын го тексти400
КЫЗ - БУРАК тобу — Нооруз тексти236
Берекебай Калыбеков - Мугалим эжеке тексти216
Бекжан Темирхан - Эзилип буттум тексти202
Султан Садыралиев - Адамга адам керек тексти172
Сыймык Бейшекеев — Эки жүрөк тексти166

Сизге жактыбы? Комментарий жазыңыз

Сиздин email адрес жарыяланбайт.