Чычкан болуптур. Жаз келип, нельм менен осётр балыгын кармоону ойлонот. А балыкка чыгыш үчүн кайык керек да, туурабы? Кайыкты кайдан алмак элем деп, жаңгактын кабыгын кайык кылмай болот. А калактычы? Кайдан алса болот? Кайдан алмак эле, жалбыракты калак кылса деле болот да.

Ошентип сүзүп жөнөйт, кыңылдап ырдап:

– Жаңгак-кабык кайыгым: ляй-ляй-ляй… А жалбырак калагым деп кайыйын: ляй-ляй-ляй.

Бир айылга жеткенде жээктен балдар чурулдайт:

– Э-эй, чычкан, бери кел, татты жейсиң!

– Эмне болгон таттуу?

– Щука балык менен.

– Щука балыгыңар менен жебейм.

Кайрадан сүзүп жөнөйт, кыңылдап ырдап:

– Жаңгак-кабык кайыгым: ляй-ляй-ляй… А жалбырак калагым деп кайыйын: ляй-ляй-ляй.

Бир айылга жеткенде жээктен балдар чурулдайт:

– Эй, чычкан, татты жебейт белең?

– Эмне болгон татты?

– Өрдөктүн эти менен!

– Жок, өрдөк эти кошулган татты жегим келбейт!

Кайрадан кыңылдап жөнөйт:

– Жаңгак-кабык кайыгым: ляй-ляй-ляй… А жалбырак калагым деп кайыйын: ляй-ляй-ляй.

Аз жүрдүбү, көп жүрдүбү, айылдын балдары чурулдайт:

– Эй, чычкан, осётр икрасы кошулган таттыга келиң!

– Ням-ням-ням-ням, жандилимден барам анда, баратам!

Жээкке жетип барат. Алдына осётр икрасындагы даам келип, мыймыңдап жеп баштайт чычкан.

Жей берип, жей берип, курсагы чандыйат. Топтоголок болуп калат.

Балдар чуру-чуу түшүп:

– Чычкан, чычкан! – дешет. – Кайыгың да, калагың да сууга агып кетти!

Чычкан тызылдап жээкке чуркайт. Чалынып чыгылат. Иттин буту оюп кеткен чуңкурга чалыныптыр. Курсагы жарылат.

– Кыздар, кыздар! – деп кыйкырат чычкан, – учук сапталган ийне же темене алып келгилечи, курсагым жарылды!

Тызылдап жүгүргөн кыздар тез эле учук сапталган ийне менен чычкандын курсагын жамай салышат да, бутуна тургузушат.

Бечара чычкан темтеңдеп жаңгак-кабык кайыгын, жалбырак-калагын издеп жөнөйт. Отуруп дем алат. Көңүлү чөгүп, жолун улайт. Ырын болсо унутат. Болгону, кайыгы менен калагы гана ляй-ляй-ляй деп ырдаган бойдон агып кеткен дейт.

Топ 10 популярдуу жомок

Ырдын атыLike саны
Алия менен жылкы45
Акылдуу кыз36
Көмөч нан (колобок) жомок29
Дыйкан жана мышык25
Алтын балык23
Акылдуу кыз жомок21
БУГУ ЭНЕ(«Ак кеме» повестинен үзүндү)21
Акылдуу балдар17
Карышкыр менен бээ15
Коён менен кирпи11

Сизге жактыбы? Комментарий жазыңыз

Сиздин email адрес жарыяланбайт. Обязательные поля помечены *