Жамынып ай шооласын каректериң,
Үлбүрөп жаз гүлүнөн элестериң.
Тартылып коюу түндүн кучагына,
Татынам, тамшандырып,
Татынам, тамшандырып кайда кеттиң?
Кайырма:
Эй, түн чүрөгү, түн чүрөгү,
Мерезби ушунчалык кыздын жүрөгү?
Эй, түн чүрөгү, түн чүрөгү,
Айыпсыз сен деп сыздап,
Күнөөсүз сен деп сыздап,
Жигит жүрөгү.
Түн келет айсыз, бирок жылдыз жарык,
Дайныңды түндөн издейм суроо салып.
Оо, менин көрдүңөрбү чүрөгүмдү?
Бир келген жылдыздардай.
Кайрылгыс бакытымдай кетти кайып.
Кайырма:
Түнкү шаар сулуу тартып сени менен,
Ак жамгыр сырлуу тамып турган беле?
Өмүрдү караңгыга чулгап коюп,
Кай жерди жарык кылып.
Кай жерди жарык кылып,
Жүрдүң экен?
Дайыр Исмадияров — Түн чүрөгү тексти
Датасы: 29.10.2020
Көрүүлөр: 13
