Улам карап туш тарапты элеңдеп,
Айтар сөздү миң кайталап белендеп.
Күн чыгышым, сени күтөм зарыгып,
Анык беле айткан сөзүң келем деп?
Тоонун суусу аңтарылат иримдеп,
Дарак ырдайт, жалбырагы дирилдеп.
Күн чыгышым, келсең боло күттүрбөй,
Салааланып саамай чачың бириңдеп.
Айлап-жылдап, жалгыз сен деп түгөндүм,
Жүрөгүмдүн бардыгына күмөнмүн.
Колду шилтеп. кетип калбас себебим,
Боосу сенде мен катынган жүгөндүн.
ЭЛЕС тобу — Күн чыгышым тексти
Датасы: 29.10.2020 Көрүүлөр: 3584
