Төнкөрүш жасап жүрөгүмө менин,
Заматта ойрон болду сезимдерим.
Тамчылап кайра-кайра
Тамчыдан курам дайра,
Токтобой жааган жамгыр болдум эми
Сен менин жүрөгүмө көчкөн менен
Аз гана убакытта өчкөн белең?
Жетем деп махабаттын
Жээгине канча актым
Жетпедим сүйүү терин төккөн менен
Мен сени башкалардан
Болбоюн талашкандай
Башкалар жанаша албайт
Мен сага жанашкандай
Мен сени башкалардан
Болбоюн талашкандай
Башкалар жараша албайт
Мен сага жарашкандай
Мен сага балким кагазмын жыртылган,
Мен аны сезем ичимден-сыртымдан
Көркү жок суктангандай
Чынармын буталгандай
Мен сага билем керексиз кыркылгам
Көлкүлдөп көөдөнүмө санаа толуп
Жүрөктө калдың кетпес жара болуп
Кызарып кызыл чоктой
Күйөм да кайра токтойм
Кыйнадың кайдан дагы пайда болуп
