Ушул жылы акындар жакшы ыр жазсын,
Ушул жылы кыз-жигиттер кат алышсын.
Ушул жылы баласыздар бала көрүп,
Базар болуп үйлөрүндө бакыт консун.
Ар кимдин ойлогону ишке ашсын,
Ар, ар ким турмушунан бакыт тапсын.
Онтогон оорулуулар ушул жылы,
Айыгышып арабызга аралашсын.
Баатыр аты түбөлүк турса деймин,
Сокур көрүп, дүлөйлөр укса деймин.
Ылайым чөптөр чыгып, гүлдөр жайнап,
Ырыстын ырын ырдап турса деймин.
Алсыздар алдуу болуп, күчкө толсун.
Жаштын жары жаркылдаган ак болсун.
Быйылкы тоо гүлүнүн балына окшоп,
Кыргыз элинин жашоосу таттуу болсун.
Гүлнара Калдарова — Ак тилек тексти
Датасы: 19.04.2023 Көрүүлөр: 59709
