Кара күрмө шай кийип,
Бойлогула, кыздар ай.
Кадыр, көңүл бар чакта
Ойногула, кыздар ай.
Кайрылып келбейт өмүрүң,
Ойлогула, кыздар ай.
Ойной албай, күлө албай,
Ойногонду биле албай,
Кайран жашты картайтып,
Койбогула, кыздар ай!
Кызыл күрмө шай кийип,
Бойлогула, кыздар ай.
Кызуу көңүл бар чакта
Ойногула, кыздар ай.
Кылчайып келбейт өмүрүң,
Ойлогула, кыздар ай.
Ойной албай, күлө албай,
Кызык күнүң өткөрүп,
Койбогула, кыздар ай!

Кайран өмүр барында,
Балалыктын чагында,
Гүлкайырдай гүлдөп ал,
Күлгүн жашың барында.
Карылык кууп жеткен соң,
Кайран өмүр өткөн соң,
Кара чым басып денеңди,
Каларсың жердин алдында.

Топ 10 популярдуу ыр

Ырдын атыLike саны
Азиза — Көк жылгаяк тексти502
Азиз Батыров — Алга Кыргызстан тексти470
Самара Каримова. Жаңы жылды тосолу тексти жана mp3306
Гүлназ Чыныбек кызы — Жолуксак кандай жакшы тексти266
Нурлан Насип - Эне тилде сүйлөйлү тексти118
Дилбар Райымбекова — Көл кечи117
Самара Каримова. Мен дүйнөнү апам менен тааныгам тексти109
Айпери Кулбаева — Апакем тексти108
Самара Каримова - Менин атам жакшы адам тексти90
Омар — Кыргызстаным тексти86

Сизге жактыбы? Комментарий жазыңыз

Сиздин email адрес жарыяланбайт.