Кар сапырган кыштын ызгаар аязында, аязында,
Кыялымдын гүлдүү, кооз талаасында, талаасында.
Колтукташа басчу элем сени менен,
Көздөрүңдүн кыбыңдаган карасында.
Кызгалдак гүлдөрү, кызгалдак гүлдөрү жайначу анда…
Көктөм келди, ал мына көктөм, көктөм келди, көктөм келди,
Көңүл эңсейт бет сылаган жыттуу желди, жыттуу желди.
Жүрү, тоого, жарыгым, ай, жүрү, тоого,
Чарчабастан мен аралап кокту, белди.
Кызгалдак гүлдөрүн, кызгалдак гүлдөрүн арнаймын сага…
Бой ыргаша аркы-терки, жалбарына, жалбарына,
Болот кумар алар сенин, жамалыңа, жамалыңа.
Жыпар аңкыйт теребел бүт, торгой таңшыйт,
Көктөм кандай, көркөм, кооз, жыргалыма.
Кызгалдак гүлүм (ай),
Кызгалдак гүлүм (ай) жайначы сен да!
Гүлнур Сатылганова — Кызгалдак гүлүм тексти
Датасы: 10.10.2020 Көрүүлөр: 54
