Жашоонун өзү сыноо болот,
Адашкан жашоо ыйга толот.
Акылың тунук тилек таза,
Жүргөндө гана бакыт конот.
Кайырма:
Жаралуу бакыт сүйүү бакыт,
Дүйнөдө аман жүрүү бакыт.
Жараткан узун өмүр берсе,
Жашоонун ар бир күнү бакыт.
Ченелбейт бакыт байлык менен,
Баарына жетип койну кенен.
Байлыкты эгер издеп жүрсөң,
Жанашып жүрөт ыйман менен.
Кайырма:
Күн дагы бизге нурун чачат,
Өмүрдүн көркүн арзуу ачат.
Жашоо уланып үмүт жанып,
Сүйүүдөн адам бакыт табат.
