Жаңы бышкан карагаттай,
Карегиңди ала качпай.
Кадыркечим айтсаң боло,
Калдым неге сага жакпай.
Күйүтүңдү чеккен элем,
Жүрөгүмдү тепселебе.
Эми чөлдө калчудаймын,
Эгер азыр кетсең эле.
Көлөкөңдө турайынчы,
Көңүлүңдү улайынчы.
Маанайыңды чөгөрбө деп,
Самайыңан сылайынчы.
Кайгы-муң тартуулаган,
Айрылуунун арты жаман.
Жалгыз сени жаным дейин,
Бөлүнөсүң кантип анан
Кайырма:
Токтой турчу жан сыздатпай,
Тороп жолуң тосом мына
Кетпечи сен жалгыздатпа,
Келсең өз ордуңа.
Жамынбачы сур булуттай,
Араң турдук унчугушпай.
Кайрадан бир кайрылабы,
Сайраган кез ырчы куштай.
Жакшы күндөр эсиңдеби,
Жаңылышсам кечир мени.
Жашоодо биз өчүрбөйлү,
Жанган отту сезимдеги.
Сүйүндүрүп мурда неге,
Сүйгөнүм деп турган эле
Кош деп эми бирин-бири
Коркутабы чындап эле.
Кайгы-муң тартуулаган,
Айрылуунун арты жаман.
Жалгыз сени жаным дейин,
Бөлүнөсүң кантип анан
Кайырма:
Кыргызча mp3 каталогу: Ала-Тоо таңшыйт, жомоктор жана башка кызыктуу аудиолор жана текстер жыйнагы.
