Качандыр бир кездерде ээсиз жашаган ит өзүнө кожоюн издептир. Себеби жашоо ага абыдан оорлой берет.
Бир курдай ал башы оогон жакка жөнөйт. Суу жээгине келгенде, арык боюнда отурган карышкырды көрүп:
– Кандайсың, карышкыр? – дейт.
– Кандай болсун. Не келдиң?
– Мен өзүмө кожоюн издеп чыктым. Мени өзүңө эш кылып алчы, – дейт ит.

Карышкыр макул көрөт. Экөө андан ары ээрчишип жөнөйт. Бир убакта карышкыр токтой калып айтып турганы:
– Коку-уй, качтык, аюу келатат!
Карышкырдын суу жүрөктүгүн түшүнгөн ит, дароо аюуга келип айтат:
– Мени өзүңө эш кылып кошуп алчы.
Аюу жок дебейт. Экөө ээрчишип жөнөйт. Капилеттен аюу тып токтой калып:
– Кокуй, качтык, – дейт, – арыстан келатат. Экөөбүздү жеп салат!
Аюунун коркок, алсыздыгын түшүнгөн ит жаңы досунан да түңүлүп, арыстанга кошулат. Арыстан экөө ээрчишип, талаага келишет. Адам жүрөт ал жерде. Арыстандын үрөйү учат заматта:
– Тигинде адам жүрөт. Өлтүрөт бизди, тезирээк качалы!
Арыстандын айбаты мокогун түшүнгөн ит адамды көздөй бетме-бет келет да, өтүнүчүн айтат:
– Мени өзүңө эш кылып кошуп алчы.
Адам итти ээрчитип алат. Өзүнө кожоюн тапканына ит да иттей кубанып айтып турганы:
– Дүйнөдө адамдай күчтүү жан жок турбайбы.
Ошол күндөн ушул күнгө дейре ит адамга ак кызмат өтөгөн дос болуп калыптыр.

Топ 10 популярдуу жомок

Ырдын атыLike саны
БУГУ ЭНЕ(«Ак кеме» повестинен үзүндү)81
Алия менен жылкы45
Карышкыр менен эчки44
Карышкыр жана жети улак37
Акылдуу балдар31
Акылдуу кыз жомок27
Кыска жана күлкүлүү жомоктор24
Акылдуу кыз17
Нооруз жөнүндө жомок16
Аяз ата14

Сизге жактыбы? Комментарий жазыңыз

Сиздин email адрес жарыяланбайт. Обязательные поля помечены *