Аткаруучу: Калыс Айтбаев
Сентябрь, ийиниңди тосчу, солуктайын,
Саргайып, сен да, мен да баратабыз.
Биз качан март, апрель, майга окшоп,
Ажайып, жашыл дүйнө жаратабыз?..
Кайырма:
А бирок, экөөбүздү эми таштап,
Турналар жылуу жакты издеп кетет.
Бул жыл да турна моюн түгөйү жок,
Кыштаарын ойлоп жүрөк, муздап кетет…
Сентябрь, кучагың тосчу, буркурайын,
Күүлүүдө менин, сенин жалбырагың…
Тагдырдан байлык, бийлик сурабадым,
Бир гана бакыт сурап, жалдырадым…
Эгер сиз бул материалдын укук ээси болсоңуз жана өчүрүүнү кааласаңыз, бул баракча аркылуу байланышыңыз.