Унчукпай калсаң кез кезде
Убара болом күн кечке
Буулуга ойлой беремин
Булакта айлуу түндү эстеп
Байкабай асыл оюңду
Байкабас атка кондумбу
Сен күлгөн кезде каткырып
Кубаттап күлбөй койдумбу
Сен күлгөн кезде каткырып
Же каткырып күлбөй койдумбу
Жааса да жамгыр сабатып
Жан жакта элди каратып
Жапкансың курбум күрмөңдү
Жанаша басып баратып
Таарындың айтчы эмнеге
Талапкер мендей пендеге
Табышмак сырдуу таарынчак
Тагдырым сенден кем беле?