Мышыктай мышык

1 чи Like басыңыз.

Илгери бир киши мышыгын аябай жакшы көрүп, аны дүйнөдөгү эң акылдуу жана өзгөчө жандык саначу экен. Мындан улам аша чапкан обу жоктук менен бул жөпжөнөкөй мышыгына Асман деген ат коюп алыптыр.

Бир ирет аныкына капысынан мейман келип, мышыктын өзгөчө атын угуп, таңгалып сурайт:

— Кечирип коюңуз, урматтуу кожоюн, эмне үчүн жөнөкөй эле мышыкка Асман деген бийик атты коюп алгансыз?

— Бул мышык сиз айткандай жөнөкөй эмес. Мындай мышык мурда бул дүйнөдө болгон эмес. Ошон үчүн мышыгыма Асман деген аттан башка ат жарашпайт! Анткени асмандан бийик, асмандан улуу эч нерсе жок.

— Асман бийик болгону менен аны булуттар жаап каларын билбейсизби?

— Сиздики туура окшойт. Мейли, анда булуттар кыйын болсо өзгөчө мышыгымдын аты Булут болсун.

— Бирок булуттарды шамал айдап кетет да!

— Андай болсо укмуш мышыгымдын аты Шамал болсун.

— Анткен менен шамал шаар чебине канча урунса да урата албайт эмеспи…

— Анда мышыгымдын аты Чеп!

— Бирок чепти чычкандар тешип салышат да…

— Мышыгымдын аты Чычкан болсун анда!

— Чычканды мышык жейт эмеспи…

— Мышыгыма Мышык деген ат коём анда!

— Ооба, мышыкты асмандатпай мышыктай эле мамиле кылган жакшы, — деп конок күлүп жиберди.

Ошондон кийин биздин элде “мышык дайыма мышык бойдон калат” деген жакшы кеп айтыла баштаптыр.

Топ 10 популярдуу жомок

Ырдын атыLike саны
Таранчы менен түлкү203
Акылдуу дыйкан192
Акыл карачач179
Ууру үкү134
Муз чолпу107
Сыйкыр сөз94
Чоң кумурска менен кичинекей кумурска76
Жоогазын60
Сыйкырлуу таяк52
Жезкемпир жана кыздар51

Сизге жактыбы? Комментарий жазыңыз

Сиздин email адрес жарыяланбайт.